سلمان حیدر اور رجب بٹ کے خلاف سنگین الزامات: ایف آئی آر میں ریپ، بلیک میلنگ، اور غیر قانونی قید کا دعویٰ

 

لاہور کے نواب ٹاؤن پولیس اسٹیشن میں درج ایک تازہ ایف آئی آر نے سوشل میڈیا ایکٹیوسٹ کے ساتھ پیش آئے مبینہ واقعے کو منظر عام پر لایا ہے، جس میں سلمان حیدر اور اس کے ساتھیوں پر سنگین الزامات عائد کیے گئے ہیں۔

شکایت کنندہ نے الزام لگایا ہے کہ اس کی سوشل میڈیا پر سلمان حیدر سے دوستی ہوئی جو بعد ازاں ملاقاتوں میں بدل گئی۔ 16 اگست 2024 کو اسے بحریہ آرچرڈ میں حیدر کی رہائش گاہ پر بلایا گیا۔ اس کے مطابق، اسے نشہ آور مشروب دے کر ہوش سے بےگانہ کیا گیا اور بعد میں اس کی رضامندی کے بغیر ویڈیو بنائی گئی۔

ایف آئی آر میں کہا گیا ہے کہ رجب بٹ، من ڈوگر، جواد حیدر، اور جہانگیر بٹ نے اس واقعے میں معاونت کی اور متاثرہ خاتون و اس کی بہن کو غیر قانونی طور پر ایک کمرے میں بند رکھا۔ متاثرہ کے مطابق، ویڈیو کی بنیاد پر اسے بلیک میل کیا گیا اور خاموش رہنے پر مجبور کیا گیا۔

یہ معاملہ ایک سابقہ واقعے کے بعد سامنے آیا ہے جس میں رجب بٹ کو ایک نوجوان پر تشدد کرتے ہوئے دکھایا گیا تھا۔ اس وقت متاثرہ نے شکایت واپس لے لی تھی کیونکہ بٹ نے معذرت کی تھی۔

نواب ٹاؤن پولیس نے پانچوں افراد کے خلاف مقدمہ درج کیا ہے، تاہم اب تک کوئی گرفتاری عمل میں نہیں آئی۔ شکایت کنندہ نے انصاف کا مطالبہ کرتے ہوئے قانونی کارروائی کی اپیل کی ہے۔ پولیس مزید تحقیقات کر رہی ہے۔

#سلمان_حیدر #رجب_بٹ #خواتین_کے_حقوق #FIR #جنسی_ہراسانی #قانونی_کارروائی #SocialMediaAbuse #انصاف #HumanRights #PoliceCase